الماتى قالاسىندا قازاقستان رەسپۋبليكاسىنىڭ ۇلتتىق كىتاپحاناسىنىڭ ءماجىلىس زالىندا قازاقستان رەسپۋبليكاسى مادەنيەت جانە سپورت مينيسترلىگى ءتىل ساياساتى كوميتەتى مەن شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعىنىڭ ۇيىمداستىرۋىمەن 2019 «لاتىن گرافيكاسىنا كوشۋ جۇمىستارىنىڭ ناتيجەسى جانە الداعى مىندەتتەر» اتتى ۇلتتىق كوميسسيا جانىنان قۇرىلعان ورفوگرافيالىق، ادىستەمەلىك، تەرمينولوگويالىق جانە ساراپتاما-تەحنيكالىق جۇمىس توپتارىنىڭ بىرىككەن وتىرىسى ءوتتى.
وتىرىسقا ءتىل ساياساتى كوميتەتىنىڭ ءتوراعاسى ع.مەلدەشوۆ جانە ورفوگرافيالىق، ادىستەمەلىك، تەرمينولوگيالىق، ساراپتاما-تەحنيكالىق جۇمىس توپتارىنى مۇشەلەرى قاتىستى.
شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعىنىڭ اتقارۋشى ديرەكتورى ەربول تىلەشوۆ «اتقارىلعان جۇمىستار مەن مىندەتتەر»، ا. بايتۇرسىن ۇلى اتىنداعى ءتىل ءبىلىمى ينستيتۋتىنىڭ ونوماستيكا ءبولىمىنىڭ مەڭگەرۋشىسى رىسبەرگەن قىزدارحان «قازاقستان ازاماتتارى اتى-جوندەرىنىڭ جانە قازاقستان گەوگرافيالىق اتاۋلارىنىڭ لاتىنگرافيكالى ءالىپبي نەگىزىندە جازىلۋ ەرەجەلەرى»، ا. بايتۇرسىن ۇلى اتىنداعى ءتىل ءبىلىمى ينستيتۋتىنىڭ گرامماتيكا ءبولىمىنىڭ مەڭگەرۋشىسى ورىناي جۇبايەۆا «قازاق ءتىلىنىڭ پۋنكتۋاسيالىق ەرەجەسى» جانە شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعىنىڭ عالىم حاتشىسى انار فازىلجانوۆا «ءالىپبيدى جەتىلدىرۋگە بايلانىستى اپروباسيالىق جۇمىستار ناتيجەسى» تاقىرىبىندا باياندامالار جاسادى.
سونىمەن بىرگە جۇمىس توپتارىنىڭ مۇشەلەرى الداعى ۋاقىتتا اتقارىلاتىن جۇمىستارعا بايلانىستى ۇسىنىستارى ناقتىلاندى.
شاراعا قاتىسۋشى جانات ايماعانوۆ لاتىن گرافيكاسىنا نەگىزدەلگەن قازاق ءالىپبيىن جەتىلدىرۋگە قاتىستى جوباسىن ۇسىنىپ، عالىمدار تاراپىنان تالقىلاندى.
وتىرىستا ۇلتتىق كوميسسيا جانىنان قۇرىلعان 4 جۇمىس توبىنىڭ لاتىن گرافيكاسىنا كوشۋ بويىنشا 2019 جىلى اتقارىلعان جۇمىستارى قورىتىندىلاندى. جۇمىس توبى مۇشەلەرىنىڭ ادىستەمەلىك قۇرالدار ازىرلەۋدەگى ەسەبى تىڭدالدى.
پىكىر قالدىرۋ